Ուրուգվայական «Նասյոնալի» հարձակվող Լուիս Սուարեսն անգլիական «Մանչեսթեր Սիթիի» նորվեգացի գոլահար Էրլինգ Հոլանդի՝ մանչեսթերյան դերբիից հետո կատարած գրառման տակ մեկնաբանություն է թողել:
«Շնորհավորում եմ, իմ ընկեր։ Զարմանալի հանդիպում քո կողմից: Աշխարհի լավագույն հարձակվողն այս պահին»,- գրել է 35-ամյա ուրուգվայցին:
Հիշեցնենք, որ Հոլանդը «Մանչեսթեր Յունայթեդի» դեմ Պրեմիեր լիգայի 9-րդ տուրի խաղում (6-3) դարձել էր հեթ-տրիկի և 2 գոլային փոխանցման հեղինակ:
Նորվեգիայի հավաքականի 22-ամյա հարձակվողն ընթացիկ մրցաշրջանում անգլիական գրանդի կազմում բոլոր մրցաշարերում անցկացրել է 11 խաղ, դարձել 17 գոլի և 3 արդյունավետ փոխանցման հեղինակ:
