Անգլիացի անվանի մարզիչ Սթիվ Բրյուսը որոշել է ավարտել կարիերան, հայտնում է Daily Mail-ը:
62-ամյա մասնագետի գլխավորած վերջին ակումբն անգլիական «Վեսթ Բրոմվիչն էր», որի գլխավոր մարզիչի պաշտոնից հեռացվել էր 2022 թվականի հոկտեմբերին:
Սթիվ Բրյուսը մարզչական ամբողջ կարիերան անցկացրել է Անգլիայում՝ մարզելով նաև «Շեֆիլդ Յունայթեդը», «Հադերսֆիլդը», «Ուիգանը», «Քրիսթալ Փելասը», «Բիրմինգհեմը», «Սանդերլենդը», «Հալ Սիթին», «Ասթոն Վիլան», «Շեֆիլդ Ուենսդեյն» ու «Նյուքասլը»:
Ֆուտբոլիստի կարիերայի մեծ մասը նա անցկացրել է «Մանչեսթեր Յունայթեդում» (309 խաղ, 36 գոլ):
