Իտալական «Միլանի» գլխավոր մարզիչ Ստեֆանո Պիոլին կարող է հեռացվել զբաղեցրած պաշտոնից, եթե «Ռոսոներին» չկարողանա ձեռք բերել Չեմպիոնների լիգայի փլեյ-օֆֆ փուլի ուղեգիր:
Նման որոշում կարող է կայացնել ակումբի սեփականատեր Ջերի Կարդինալեն, հայտնում է La Repubblica-ն:
Չեմպիոնների լիգայի F խմբում «Միլանը» 3 խաղից հետո վաստակած երկու միավորով վերջինն է և չի դարձել գոլի հեղինակ, իսկ Ա Սերիայում 22 միավորով ընթանում է երրորդ տեղում:
58-ամյա մասնագետը «Միլանի» ղեկը ստանձնել է 2019 թվականի հոկտեմբերին: Նրա գլխավորությամբ «Ռոսոներին» 2021/22 մրցաշրջանում 11 տարի անց դարձել է Իտալիայի չեմպիոն, իսկ նախորդ մրցաշրջանում 16 տարի անց ձեռք է բերել Չեմպիոնների լիգայի կիսաեզրափակիչի ուղեգիր:
