«Կրասնոդարի» ավագ, Հայաստանի հավաքականի կիսապաշտպան Էդուարդ Սպերցյանը մինչև մրցաշրջանի ավարտը չի հեռանա ռուսական ակումբից, հայտնում է «Евро-Футбол»-ը:
24-ամյա ֆուտբոլիստը ցանկանում է «Կրասնոդարին» օգնել նվաճելու առաջին տիտղոսը:
Եվրոպական մի շարք ակումբներ շարունակում են հետաքրքրություն ցուցաբերել Սպերցյանի նկատմամբ, սակայն նա առայժմ մտադիր չէ քննարկել առաջարկները:
Հիշեցնենք, որ նախորդ մրցաշրջանում «Կրասնոդարը» մինչև վերջին տուրը պայքարում էր Ռուսաստանի Պրեմիեր լիգայի չեմպիոնի տիտղոսի համար, սակայն չկարողացավ շրջանցել «Զենիթին»:
Ընթացիկ մրցաշրջանում կանաչները 11 տուրից հետո վաստակել են 27 միավոր և գլխավորում են աղյուսակը:
