Հայաստանի հավաքականի կիսապաշտպան Էդուարդ Սպերցյանի գոլը նպաստել է «Կրասնոդարի» հաղթանակին «Օրենբուրգի» դեմ Ռուսաստանի Պրեմիեր լիգայի 17-րդ տուրի խաղում, որտեղ դաշտի տերերը հաղթել են 2-1 հաշվով:
Հայ ֆուտբոլիստը 11-մետրանոցից գոլով է աչքի ընկել առաջին կեսին ավելացված երրորդ րոպեին՝ բացելով խաղի հաշիվը (տեսանյութ): Սպերցյանն անցկացրել է ամբողջական հանդիպում: «Օրենբուրգի» միակ գոլը խփեց Ստեփան Օգանեսյանը (տեսանյութ):
Ռուսաստանի առաջնության ընթացիկ մրցաշրջանի 17 խաղում Սպերցյանը խփել է 8 գոլ, կատարել 2 գոլային փոխանցում:
«Կրասնոդարը» միավորների քանակը հասցրեց 35-ի և գլխավորում է աղյուսակը:
