«Կրասնոդարի» ավագ Էդուարդ Սպերցյանը սոցցանցերում հրապարակում է արել` անդրադառնալով Մոսկվայի ԲԿՄԱ-ի դեմ Ռուսաստանի Պրեմիեր լիգայի 18-րդ տուրի խաղում տարած հաղթանակին (3-2)։
«Գումարած երեք միավոր։ Մրցաշրջանի աշնանային շրջանն ավարտում ենք առաջին տեղում։ Այժմ հանգիստը կրկնակի հաճելի կլինի։
Շատ շնորհակալ եմ խաղընկերներիս այս արդյունքի համար»,- գրել է Հայաստանի ազգային հավաքականի կիսապաշտպանը։
Մոսկովյան ակումբի դեմ խաղում 25-ամյա կիսապաշտպանն ասիստ է կատարել` ճանաչվելով նաև հանդիպման լավագույն ֆուտբոլիստ։
«Կրասնոդարը» երրորդ տարին անընդմեջ ձմեռային ընդմիջման է գնացել առաջին տեղում։ Մուրադ Մուսաևի գլխավորած թիմն ունի 40 միավոր:
