Բասկետբոլի Հայաստանի ազգային հավաքականի առաջատար խաղացողներից Անդրե Սպայթ-Մկրտչյանը շարունակում է արդյունավետ հանդես գալ ուրուգվայական «Բիգուայի» կազմում:
Սպայթ-Մկրտչյանը «Ֆերո Բասկետի» դեմ Ուրուգվայի առաջնության փլեյ-ինի արտագնա խաղում 33 միավորով դարձել է ամենաարդյունավետ բասկետբոլիստ: Ամերիկահայ խաղացողը նաև գրանցել է չորս ռեբաունդ և կատարել երեք ասիստ: «Բիգուան» հաղթել է 103-77 հաշվով:
Դիմակայության պատասխան խաղը տեղի կունենա մարտի 30-ին «Բիգուայի» խաղահրապարակում:
