Նիդերլանդների դատախազությունը միջազգային հետախուզում է հայտարարել Մոսկվայի «Սպարտակի» հոլանդացի վինգեր Կվինսի Պրոմեսի նկատմամբ և կալանք է դրել նրան պատկանող 9 գույքի վրա, հայտնում է «РИА Новости»-ն:
Փետրվարի 14-ին Ամստերդամի դատարանը 1362 կգ անօրինական կոկաին տեղափոխելու գործով մեղավոր էր ճանաչել 32-ամյա ֆուտբոլիստին և դատապարտել 6 տարվա ազատազրկման:
Նիդերլանդների դատախազությունից հայտնել են, որ միջոցներ են ձեռնարկել «Սպարտակի» ֆուտբոլիստի արտահանձնումը կազմակերպելու համար, սակայն մինչև այժմ արդյունքի չեն հասել:
Հիշեցնենք, որ Պրոմեսը նախորդ տարվա հունիսին դատապարտվել էր նաև զարմիկին դանակահարելու համար:
