Իտալիայի նորընծա չեմպիոն «Նապոլիի» գլխավոր մարզիչ Լուչիանո Սպալետին մեկնաբանել է ակումբից հեռանալու որոշումը:
«Երբեմն դուք բաժանվում եք չափից շատ ուժեղ սիրո պատճառով: «Նապոլին» լավագույնին է արժանի, իսկ ես պատրաստ չեմ դրան: Մի քանի շաբաթ առաջ Դե Լաուրենտիսին ասացի, որ ինձ մեկ տարվա ընդմիջում է անհրաժեշտ: Երջանիկ եմ, որ նա ըմբռնումով մոտեցավ ու երեկ հայտարարեց այդ մասին»,- իտալացու խոսքը մեջբերում է ինսայդեր Ֆաբրիցիո Ռոմանոն:
Հիշեցնենք, որ 64-ամյա մասնագետը «Նապոլին» գլխավորում է 2021 թվականի հուլիսից: Ավելի վաղ հաղորդվում էր, որ Սպալետին և Դե Լաուրենտիսն ունեն կոնֆլիկտ:
Այս մրցաշրջանում «Նապոլին» 1990 թվականից հետո առաջին անգամ ու պատմության մեջ երրորդ անգամ էր դարձել Իտալիայի չեմպիոն:
