Սլովակիայի գավաթի խաղարկության քառորդ եզրափակիչում Բրատիսլավայի «Սլովանը» մրցակցի դաշտում 1-0 հաշվով հաղթել է «Կոշիցեին»։

Հանդիպման միակ գոլը 38-րդ րոպեին խփել է Հայաստանի ազգային հավաքականի կիսապաշտպան Տիգրան Բարսեղյանը։

Հյուրերը 57-րդ րոպեից խաղացել են 10 ֆուտբոլիստով. դաշտից հեռացվել էր ուկրաինացի պաշտպան Դանիլ Իգնատենկոն։

Վլադիմիր Վայսի գլխավորած թիմը պայքարը կշարունակի գավաթի խաղարկության կիսաեզրափակիչում։

Հիշեցնենք, որ մարտի 9-ին նույն մրցակցի դեմ Սլովակիայի առաջնության չեմպիոնական փլեյ-օֆֆի առաջին խաղում (3-2) Բարսեղյանը դուբլ էր գրանցել։

Սլովակիայի գավաթ, քառորդ եզրափակիչ

«Կոշիցե» - «Սլովան»` 0-1

Տիգրան Բարսեղյան, 38

Հեռացում` Դանիլ Իգնատենկո, 57 («Սլովան»)