«Լիվերպուլի» գլխավոր մարզիչ Արնե Սլոթը նշել է, որ Չեմպիոնների լիգայի 1/8 եզրափակիչում կնախընտրեր հանդիպել «Բենֆիկային».

«Մենք կնախընտրեինք հանդիպել «Բենֆիկային», այլ ոչ թե ՊՍԺ-ին, բայց սա հիանալի ստադիոն է։ «Լիվերպուլը» ցանկանում է մասնակցել նման հանդիպումների... Պետք է հարմարվենք վիճակահանության արդյունքին»,- հոլանդացի մասնագետի խոսքը մեջբերում է լրագրող Միգել Դիլեյնին։

Հիշեցնենք, որ «Լիվերպուլը» Չեմպիոնների լիգայի 1/8 եզրափակիչում կմրցի ՊՍԺ-ի դեմ։ «Բենֆիկան» հանդիպելու է «Բարսելոնային»։