Միլանի «Ինտերի» գլխավոր մարզիչ Սիմոնե Ինձագին խոսել է պորտուգալական «Պորտուի» դեմ Չեմպիոնների լիգայի 1/8 եզրափակիչի հանդիպման մասին:
«1/8 եզրափակիչի մեկնարկից առաջ մենք լի ենք վստահությամբ։ Անհավանական ճանապարհորդություն էր, դուրս ենք եկել ամենադժվար խմբից: «Պորտուն» նույնպես հիանալի գործեց, շատ ուժեղ թիմ է։
Մեկնարկային կազմը դեռ որոշված չէ: Կասկածներ կան ոչ միայն հարձակման գծի, այլև կիսապաշտպանության և պաշտպանության վերաբերյալ: Մարզիչի գործն է ընտրել լավագույն կազմը»,- իտալացի մասնագետի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ «Ինտեր» - «Պորտու» դիմակայության առաջին խաղը տեղի կունենա փետրվարի 22-ին Իտալիայում և կմեկնարկի Երևանի ժամանակով կեսգիշերին:
