Աշխարհի ու Եվրոպայի կրկնակի չեմպիոն, Օլիմպիական խաղերի արծաթե մեդալակիր Սիմոն Մարտիրոսյանն իր աջակցությունն է հայտնել Արցախի և Ադրբեջանի միջև շփման գծի ողջ երկայնքով մարտնչող հայ զինվորիներին:
«Մենք երբեք պատերազմ չենք ցանկացել, բայց նենգ և դավադիր թշնամին, իրեն բնորոշ ձևով, ստորաբար ուզել է ոչնչացնել մեր ինքնությունը։ Սակայն նա երբե՛ք հաջողության չի հասել և չի՛ հասնելու նաև այս անգամ։
Քա՛ջ զինվորներ, ես վստահում եմ ձեր ուժերին․ վստահ եմ, որ այս անգամ ևս հաղթանակած ենք դուրս գալու։ Ուրիշ տարբերակ չկա՛․ հաղթելու և ոչնչացնելու ենք թշնամուն, չէ՞ որ հաղթում է նա, ով երբեք չի վախենում մարտնչելուց։ Ես ձեր ցավը տանեմ։ Առա՛ջ դեպի հաղթանակ»,- ՀՀ կրթության, գիտության, մշակույթի և սպորտի նախարարության ֆեյսբուքյան էջն է փոխանցում ծանրորդի խոսքերը:
