Պրոֆեսիոնալ բռնցքամարտի առաջին կիսամիջին քաշային կարգի աշխարհի նախկին բացարձակ չեմպիոն Ջոշ Թեյլորը սոցցանցերում գրառում է կատարել` հայտարարելով մարզական կարիերան ավարտելու մասին:
«Սա ինձ համար դժվար էր գրելը, բայց, ցավոք, դա անհրաժեշտ է: Ինչպես նախկինում հաղորդվել էր, ես ժամանակ առ ժամանակ խնդիրներ եմ ունեցել աչքիս հետ, և, ցավոք, հիմա ստիպված կլինեմ ավարտել կարիերաս, հակառակ դեպքում ես վտանգում էի կորցնել տեսողությունս:
Չնայած իմ մեջ գտնվող մարտիկը միշտ ցանկանում է շարունակել մենամարտել, ես գիտեմ, որ պետք է լսեմ բժիշկներին և փրկեմ ինձ: Իհարկե, ես չէի ուզում այսպես ավարտել կարիերաս, բայց պետք է լսեմ բժիշկներին և շրջապատիս մարդկանց:
Շնորհակալություն իմ ընտանիքին և իմ գեղեցկուհի կնոջը՝ Դանիելեին, որն ամեն քայլափոխի ինձ հետ է եղել: Բառերով չեմ կարող արտահայտել, թե որքան մեծ է ձեր անսասան սերն ու աջակցությունն ինձ համար: Հիմա ժամանակն է մտածելու 70 միլիոն բրիտանացիներից մեկը լինելու մասին և սպասելու հաջորդ օրվան: Կրկին շնորհակալություն, Աստված օրհնի ձեզ»,- գրել է 34-ամյա Թեյլորը:
Բրիտանացին պրոֆեսիոնալ ռինգում տարել է 19 հաղթանակ և պարտվել երեք մենամարտում:
End of an era. I have lived my dream for the last 10 years & conquered Mount Everest.
— Josh Taylor (@JoshTaylorBoxer) July 21, 2025
Thank you to every single one of you for the support through what has been this mad rollercoaster of a journey.
Boxing is all I’ve ever known but Now
let’s see what life has to offer on the… pic.twitter.com/CLLpozqh6u
