Հայաստանի ազգային հավաքականի կիսապաշտպան Ժիրայր Շաղոյանը Սոֆիայի ԲԿՄԱ-ի մեկնարկային կազմում մասնակցում է Պազարջիկի «Հեբարի» դեմ Բուլղարիայի առաջնության 14-րդ տուրի հանդիպմանը։
42-րդ րոպեին 21-ամյա ֆուտբոլիստը գրավեց մրցակցի դարպասը, սակայն մրցավարը չեղարկեց այն տեսակրկնությունների համակարգի (VAR) կրկնապատկերը դիտելուց հետո՝ արձանագրելով կանոնների խախտում տանտերերի նորվեգացի կիսապաշտպան Ջոնաթան Լինդսեթի կողմից:
Շաղոյանի գոլը
Մրցավարը չեղարկում է հայ ֆուտբոլիստի գոլը VAR-ի կրկնապատկերը դիտելուց հետո
Առաջին խաղակեսից հետո ԲԿՄԱ-ն 28-ամյա հարձակվող Դուկենս Նազոնի գոլի շնորհիվ հաղթում է նվազագույն հաշվով:
Հիշեցնենք, որ Ժիրայր Շաղոյանը Սոֆիայի ԲԿՄԱ-ում նորամուտը նշել էր Բլագոևգրադի «Պիրինի» դեմ Բուլղարիայի առաջնության 12-րդ տուրի խաղում՝ մեկնարկային կազմում խաղալով 74 րոպե։ «Լուդոգորեցի» դեմ հաջորդ հանդիպումը ևս հայ ֆուտբոլիստը սկսել էր մեկնարկային կազմում:
Շաղոյանը սեպտեմբերին Երևանի ԲԿՄԱ-ից էր տեղափոխվել բուլղարական ակումբ, որի կազմում խաղում է վարձավճարով։ Նրա տրանսֆերային իրավունքը պատկանում է «Արարատ-Արմենիային»:
