Սաուդյան Արաբիան ներկայացնող «Ալ Հիլյալը» հայտարարեց իտալական «Լացիոյի» սերբ կիսապաշտպան Սերգեյ Միլինկովիչ-Սավիչի տրանսֆերի մասին:
Արաբական ակումբն ու 28-ամյա ֆուտբոլիստը ստորագրել են երեք տարվա պայմանագիր, որի ժամկետը կավարտվի 2026 թվականի հունիսի 30-ին: «Ալ Հիլյալը» տրանսֆերի համար հռոմեական ակումբին վճարել է 40 միլիոն եվրո:
Հիշեցնենք, որ Միլինկովիչ-Սավիչը 2015 թվականի օգոստոսից էր խաղում «Լացիոյում», որի կազմում անցկացրած 341 խաղում խփել էր 69 գոլ և կատարել 59 գոլային փոխանցում:
