Ռուս գրոսմայստեր Սերգեյ Կարյակինը մեկնաբանել է Ռուսաստանի շախմատի ֆեդերացիայի մոտալուտ տեղափոխությունը Եվրոպայից Ասիայի շախմատի ֆեդերացիա:
«Տեղափոխությունն Ասիայի շախմատի ֆեդերացիա ճիշտ է։ Մեզ հնարավորություն չի տրվում ելույթ ունենալ եվրոպական մրցաշարերում։ Նրանք ամեն կերպ ճնշում են մեզ և տեղյակ են պահում, որ մեզ այնտեղ չեն ողջունում։ Անիմաստ է ներխուժել այնտեղ, որտեղ մեզ չեն սպասում:
Իհարկե, տրամաբանական է տեղափոխվել Ասիայի շախմատի ֆեդերացիա։ Իրականում ավելի շատ մրցակցություն կա։ Հատկապես Չինաստանը և Հնդկաստանը այն երկրներն են, որտեղ շախմատն առավել ակտիվ է զարգանում։ Իհարկե, մրցակցությունը կդառնա ուժեղ, և մեր մարզիկների համար ավելի դժվար կլինի, բայց դա խթան կհանդիսանա զարգանալու, առաջադիմելու և ուժեղանալու։
Ինչ վերաբերում է մյուս մարզաձևերին, ապա տեսականորեն մենք կարող ենք առաջինը ճիշտ օրինակ ծառայել՝ տեղափոխվելով Ասիա։ Մեզ կարող են հետևել այլ մարզաձևեր։ Տեսնենք, թե դա իրականում որքան կարևոր կլինի մյուսների համար»,- ռուս շախմատիստի խոսքը մեջբերում է Sport24.ru-ն:
Հիշեցնենք, որ տեղափոխությունը կհաստատվի փետրվարի 28-ին, իսկ Ռուսաստանը ներկայացնող շախմատիստները մայիսի 1-ից կմասնակցեն Ասիայի մրցաշարերին:
