Ֆուտբոլի Սերբիայի հավաքականը կարող է չշարունակել մասնակցությունը Գերմանիայում ընթացող Եվրոպայի առաջնությանը։ Դա կարող է տեղի ունենալ, եթե ՈՒԵՖԱ-ն պատժամիջոցներ չկիրառի Խորվաթիայի և Ալբանիայի ֆուտբոլի ֆեդերացիաների դեմ։ Սերբերի դժգոհության պատճառն այն է, որ Խորվաթիա - Ալբանիա Եվրո-2024-ի երկրորդ տուրի հանդիպման (2-2) ժամանակ երկրպագուները հնչեցրել են «Սպանի՛ր սերբերին» վանկարկումների։
«Սա սկանդալ է։ Սերբիայի ֆուտբոլային միությունը ՈՒԵՖԱ-ից պահանջում է ամենակոշտ պատժամիջոցները, հակառակ դեպքում մենք չենք շարունակի մասնակցությունը Եվրոպայի առաջնությանը»,- ասել է Սերբիայի ֆուտբոլային միության գլխավոր քարտուղար Յովան Շուրբատովիչը, հաղորդում է սերբական Sportklub-ը։
Հիշեցնենք, որ Եվրո-2024-ի երկրորդ տուրում սերբերը հունիսի 20-ին կմրցեն Սլովենիայի հավաքականի հետ։ Առաջին խաղում Սերբիայի հավաքականը նվազագույն հաշվով պարտվել է անգլիացիներին։
🇷🇸Serbia Threatens to Withdraw from Euro 2024 Tournament
— Attentive Media (@AttentiveCEE) June 20, 2024
Serbia's Football Association has warned it may pull out of Euro 2024 unless UEFA takes action against Croatia and Albania. This demand follows an incident where fans chanted "Kill, Kill, Kill the Serbs" during a recent… pic.twitter.com/3rK9ZTzUg5
