Մադրիդի «Ռեալի» իսպանացի կիսապաշտպան Դանի Սեբալյոսը ցանկանում է հեռանալ ակումբից։

Ըստ The Athletic-ի` 27-ամյա ֆուտբոլիստը դժգոհ է իսպանական գրանդում իր կարգավիճակից և ցանկանում է օգտվել այն հանգամանքից, որ իր ծառայություններով հետաքրքրված են մի շարք ակումբներ։

«Ռեալը» չի պատրաստվում զիջումների գնալ կիսապաշտպանի հնարավոր տրանսֆերի շուրջ բանակցություններում և կարծում է, որ նրա աշխատավարձը վեր է իսպանական այլ ակումբների մեծ մասի հնարավորություններից։ Սեբալյոսը ցանկանում է կարիերան շարունակել իսպանական Լա Լիգայում։ 

Եթե իսպանացին հեռանա, «Արքայական ակումբը» ձեռք չի բերելու փոխարինողի։ «Ռեալի» մարզչական շտաբը նման դեպքում «Կաստիլյայից» հիմնական թիմ կտեղափոխի Մարիո Մարտինին կամ Նիկո Պասին։

Դանի Սեբալյոսը «Ռեալ» է տեղափոխվել 2017 թ. ամռանը և 147 խաղում խփել է 7 գոլ, կատարել 14 գոլայիմ փոխանցում։