Ֆուտզալի Հայաստանի հավաքականի խաղացող Սարգիս Մարգարյանը Պորտուգալիայի հավաքականի դեմ աշխարհի առաջնության որակավորման փուլի էլիտ ռաունդի չորրորդ տուրի խաղից առաջ կիսվել է սպասելիքներով։

Հայաստանի հավաքականն աշխարհի և Եվրոպայի գործող չեմպիոնի հետ հանդիպումը կանցկացնի փետրվարի 11-ին։ Այս թիմերը հոկտեմբերի 6-ին հանդիպել էին նաև Կարեն Դեմիրճյանի անվան Մարզահամերգային համալիրում, որտեղ 6-5 հաշվով հաղթել էին պորտուգալացիները։

E ենթախմբի երրորդ տուրից հետո Հայաստանի հավաքականն առանց միավորի եզրափակում է մրցաշարային աղյուսակը։ Խմբի առաջատար Պորտուգալիան ունի 9 միավոր, Վրաստանը՝ 6, իսկ Ֆինլանդիան՝ 3։

Լուսանկարը՝ ՀՖՖ