Լոնդոնի «Չելսիի» անգլիացի եզրային հարձակվող Ջեյդոն Սանչոն չորս խաղ բաց թողնելուց հետո սկսել է մարզվել ընդհանուր խմբի հետ, հայտնում է ակումբի մամուլի ծառայությունը։
24-ամյա ֆուտբոլիստն այս պահի դրությամբ վերջին անգամ խաղադաշտ է դուրս եկել «Լիվերպուլի» դեմ հոկտեմբերի 20-ին կայացած մրցավեճում (1-2):
Հաջորդ հանդիպումը «Չելսին» կանցկացնի նոյեմբերի 23-ին` հյուրընկալվելով «Լեսթերին»:
Ընթացիկ մրցաշրջանում Սանչոն անգլիական թիմի կազմում մասնակցել է 6 հանդիպման և դարձել երեք գոլային փոխանցման հեղինակ:
