«Մանչեսթեր Յունայթեդի» վինգեր Ջեյդոն Սանչոն ձմռանը կարող է Պրեմիեր լիգայի այլ թիմ տեղափոխվել։ 

90min-ի փոխանցմամբ՝ անգլիացու ծառայություններով հետաքրքրված է «Վեսթ Հեմը»։ Լոնդոնյան թիմը ցանկանում է վարձակալել Սանչոյին։ Երիտասարդ խաղացողի հետ վարձակալական հիմունքով պայմանագիր կնքելու նպատակ ունի նաև Սանչոյի նախկին թիմը՝ Դորտմունդի «Բորուսիան»։ 

Ջեյդոն Սանչոն դուրս է մնացել «Մանչեսթեր Յունայթեդի» հիմնական թիմից, երբ հրապարակայնորեն քննադատել էր գլխավոր մարզիչ Էրիկ տեն Հագին, իսկ հետո հրաժարվել էր ներողություն հայցել։ 

Անգլիական գրանդը դեմ չէ Սանչոյին ձմռանը բաց թողնելուն։