Իտալիայի երկրորդ լիգայի` Բ Սերիայի փլեյ-աութի անավարտ մնացած պատասխան խաղում «Սամպդորիան» հյուրընկալվելիս 2-0 հաշվով հաղթել է «Սալեռնիտանային»։
Խաղավերջում Սալեռնոյի «Արեչի» ստադիոնում հավաքված երկրպագուների անկարգությունների պատճառով մրցավար Դանիելե Դովերին ընդհատել է հանդիպումը և կողմերին ուղարկել հանդերձարան։ Հետագայում հաղթանակը շնորհվել է «Սամպդորիային»։
Ջենոան ներկայացնող ակումբը դիմակայության առաջին խաղում նույնպես հաղթել էր 2-0 հաշվով ու պահպանեց տեղը Բ Սերիայում։
«Բլուչերկիատին» ի սկզբանե 41 միավորով առաջնությունն ավարտել էր 18-րդ տեղում ու պատմության մեջ առաջին անգամ դուրս մնացել Բ Սերիայից։
Հետագայում ֆինանսական խնդիրներ ունեցող ու սնանկ ճանաչված «Բրեշիայից» Իտալիայի ֆուտբոլի ֆեդերացիայի որոշմամբ հանվեց 4 միավոր, ինչի հետևանքով ակումբի միավորները նվազեց 39-ի, ու թիմը նահանջեց 18-րդ տեղ։ Դրա շնորհիվ «Սամպդորիան» շանս ստացավ մասնակցելու փլեյ-աութին ու պայքարելու` տեղը Բ Սերիայում պահպանելու համար։
«Սալեռնիտանան» էլ դուրս մնաց Բ Սերիայից ու հաջորդ մրցաշրջանում կխաղա երրորդ լիգայում։
Իտալիայի Բ Սերիա, փլեյ-աութ, պատասխան հանդիպում
«Սալեռնիտանա» - «Սամպդորիա»` 0-2 (առաջին խաղը` 0-2)
Մասիմո Կոդա, 38, Ջուզեպե Սիբիլի, 49
