«Մանչեսթեր Յունայթեդի» և Իռլանդիայի հավաքականի նախկին կիսապաշտպան Ռոյ Քինը քննադատել է իր երկրի հավաքականին, որն ԱԱ-2026-ի ընտրական փուլում պարտվել էր Հայաստանի ազգային թիմին (1-2), գրում է irishexaminer.com-ը:
«Ցավալի պարտություն էր Հայաստանում: Իհարկե, նախկինում էլ անհաջող արդյունքներ ունեցել ենք, բայց եթե քեզ հաղթում են թիմեր, որոնց պարտավոր ես գերազանցել, ուրեմն՝ հետագայում ավելի բարդ է լինելու:
Մյուս խնդիրն էլ այն է, որ Իռլանդիայի հավաքականում մի քանիսն են, որ իրենց պահում են իսկական ֆուտբոլիստի նման: Մյուսներն ուժեղ թիմերում 2 րոպե էլ չէին դիմանա... Սա այն դեպքում, որ նրանք համարվում են Իռլանդիայի հավաքականի կարևոր ֆուտբոլիստներ»,- ասել է Քինը:
