41 տարեկանում կյանքից հեռացել է Մոսկվայի ԲԿՄԱ-ի նախկին դարպասապահ Վենիամին Մանդրիկինը, հաղորդում է ակումբի մամուլի ծառայությունը։

Ռուսաստանի ազգային հավաքականի կազմում 2 հանդիպում անցկացրած դարպասապահի մահվան պատճառը սրտի կաթվածն է։

2010 թվականին Մանդրիկինը ավտովթարի հետևանքով ստացել էր ողնաշարի կոտրվածք ու այդ պահից անկողնային հիվանդ էր։

Դարպասապահը ԲԿՄԱ-ի կազմում խաղացել է 2001-2010 թվականներին՝ դառնալով Ռուսաստանի եռակի չեմպիոն, քառակի գավաթակիր, եռակի սուպերգավաթակիր և ՈւԵՖԱ-ի գավաթի հաղթող։