Հայաստանի ազգային հավաքականի կիսապաշտպան Էդգար Սևիկյանը գոլային փոխանցում է կատարել և նպաստել Մոսկվայի «Լոկոմոտիվի»` Ռուսաստանի գավաթի խաղարկության 5-րդ տուրում «Օրենբուրգի» նկատմամբ 2-1 հաշվով հաղթանակին։
1-0 Pinyaev pic.twitter.com/cRjohbn0qK
— RPL Sky (@RPLNews_eng) October 1, 2024
23-ամյա ֆուտբոլիստը խաղը սկսել է մեկնարկային կազմում, իսկ 9-րդ րոպեին անհատական գեղեցիկ անցումից հետո օգնել է աչքի ընկնել ռուս վինգեր Սերգեյ Պինյաևին։ Սևիկյանը փոխարինվել է 78-րդ րոպեին։
Հունգարական «Ֆերենցվարոշից» վարձավճարով «Լոկոմոտիվ» տեղափոխված Սևիկյանը նոր ակումբում երրորդ ասիստն է գրանցել։ Մոսկովյան ակումբի կազմում ամբողջ հանդիպմանը մասնակցել է նաև Հայաստանի ազգային հավաքականի պաշտպան Նաիր Թիկնիզյանը։
Միխայիլ Գալակտիոնովի գլխավորած թիմը հաղթել է անցկացրած բոլոր խաղերում և 15 միավորով B խմբի առաջատարն է։ «Օրենբուրգը» միավոր չունի և վերջին` չորրորդ տեղում է։
Ռուսաստանի գավաթ, խմբային փուլ, 5-րդ տուր
B խումբ
«Լոկոմոտիվ» - «Օրենբուրգ»` 2-1
Սերգեյ Պինյաև, 9, 56 - Սաիդ Սահարխիզան, 66
