Ֆրանսիայի Ներքին գործերի նախարար Ժերալդ Դարմանենը հայտարարել է, որ ռուսական լրատվամիջոցների ներկայացուցիչները չեն կարող աշխատել Փարիզի Օլիմպիական խաղերում:
Արգելքը չի ազդի այն ռուսաստանցիների վրա, որոնք աշխատում են Միջազգային օլիմպիական կոմիտեում (ՄՕԿ):
«Մենք արգելեցինք շատ լրագրողների լուսաբանել Փարիզի Օլիմպիական խաղերը։ Սակայն մենք թույլ տվեցինք Միջազգային օլիմպիական կոմիտեում աշխատող ռուսաստանցիների ներկայությունը»,- Դարմանենի խոսքը մեջբերում է leJDD-ը:
Հիշեցնենք, որ 40 տարվա մեջ առաջին անգամ ռուսական հեռուստաալիքները չեն ցուցադրի ամառային Օլիմպիական խաղերը:
Փարիզ-2024-ը կանցկացվի հուլիսի 26-ից օգոստոսի 11-ը:
