Ռուս և բելառուս թենիսիստները վարքի կոդեքս կստորագրեն «Մեծ սաղավարտի» տարվա երրորդ մրցաշար «Ուիմբլդոնից» առաջ, հայտնում է Daily Mail-ը:
Կոդեքսի բովանդակութունը դեռևս ձևակերպված չէ, սակայն, ամենայն հավանականությամբ, այն կարգելի Ռուսաստանին հրապարակավ աջակցելն ու այդ երկրի դրոշի ցուցադրությունը:
Սահմանված կանոնակարգի խախտման դեպքում թենիսիստը կենթարկվի պատժամիջոցների ու նույնիսկ կարող է հեռացվել մրցաշարից:
Ավելի վաղ The Daily Telegraph-ը հայտնել էր, որ Լաուն թենիսի բրիտանական ասոցիացիան (LTA) կչեղարկի ռուս և բելառուս մարզիկների՝ Մեծ Բրիտանիայի տարածքում մրցաշարերի մասնակցելու արգելքը:
Հիշեցնենք, որ «Ուիմբլդոն-2023»-ը կկայանա հուլիսի 3-16-ը:
