Ամերիկյան «Դի Սի Յունայթեդի» գլխավոր մարզիչ, «Մանչեսթեր Յունայթեդի» լեգենդար հարձակվող Ուեյն Ռունին Լոնդոնի «Տոտենհեմի» ավագ Հարի Քեյնին շնորհավորել է Անգլիայի հավաքականի պատմության լավագույն ռմբարկուն դառնալու առթիվ։ Իտալացիների դեմ Եվրո-2024-ի ընտրական մրցաշարի մեկնարկային տուրի խաղում (2-1) Անգլիայի հավաքականի ավագը դիպուկ էր իրացրել 11-մետրանոց հարվածը՝ խփելով 54-րդ գոլն ազգային թիմում։
«Շնորհավորում եմ Հարիին Անգլիայի հավաքականի պատմության լավագույն ռմբարկուն դառնալու առթիվ։ Գիտեի, որ նա շատ ժամանակ է ունենալու դրա համար, սակայն չէր կարծում, որ այսքան արագ կհասնի ռեկորդին։ Հրաշալի տղա, անհավանական գոլահար ու Անգլիայի լեգենդ»,- սոցցանցերում գրել է Ռունին, որը 2003-2018-ին Անգլիայի հավաքականում անցկացրել է 120 հանդիպում ու խփել 53 գոլ։
Հիշեցնենք, որ 29-ամյա հարձակվող Հարի Քեյնը 2015 թվականից է խաղում Անգլիայի հավաքականում, որի կազմում անցկացրել է 81 հանդիպում։
Congratulations to @HKane on becoming @England’s all-time leading goalscorer. I knew it wouldn’t take long but that was quick 🤣. Great man, unbelievable goalscorer and an England legend. Congrats Harry 👏👏👏 pic.twitter.com/mX7M8S8al3
— Wayne Rooney (@WayneRooney) March 23, 2023
