Հայաստանի ազգային հավաքականի կիսապաշտպան Ռումյան Հովսեփյանն ազատ գործակալի կարգավիճակում տեղափոխվել է Fastex Հայաստանի Պրեմիեր լիգան ներկայացնող Չարենցավանի «Վան», հայտնում է ակումբի մամուլի ծառայությունը:
Ռումյան Հովսեփյանը Հայաստանի կրկնակի չեմպիոն է, մեկական անգամ դարձել է գավաթակիր և սուպերգավաթակիր: 31-ամյա ֆուտբոլիստը «Ֆլորիանայի» կազմում նվաճել էր Մալթայի գավաթը:
Հովսեփյանը Հայաստանում պաշտպանել էր Երևանի «Ալաշկերտի», «Փյունիկի», Գյումրիի «Շիրակի», «Իմպուլսի» և «Բանանցի» (ներկայիս «Ուրարտու») գույները: Կիսապաշտպանը խաղացել էր նաև բուլղարական «Արդայում», ուկրաինական «Ստալում» և «Մետալուրգում»:
Ռումյան Հովսեփյանը 22 հանդիպման է մասնակցել Հայաստանի ազգային հավաքականի կազմում, դարձել երկու գոլի և նույնքան գոլային փոխանցման հեղինակ:
