«Մանչեսթեր Յունայթեդի» նորանշանակ գլխավոր մարզիչ Ռուբեն Ամորիմը խոսել է անգլիական գրանդի առաջարկն ընդունելու մասին։

«Ես «Մանչեսթեր Յունայթեդի» առաջարկն ընդունել եմ նաև ակումբի պատմության համար։ Մենք կարող ենք դառնալ ինչ-որ յուրահատուկ նախագծի մի մասը։ Սա այն է, ինչն, իրոք, ինձ դուր է գալիս»,- պորտուգալացի մասնագետի խոսքը մեջբերում է ինսայդեր Ֆաբրիցիո Ռոմանոն։

Հիշեցնենք, որ 39-ամյա մասնագետը նոյեմբերի 11-ին է ստանձնել «Յունայթեդի» գլխավոր մարզչի պաշտոնը։ Կողմերը պայմանագիրը կնքել են մինչև 2027 թ. հունիսի 30-ը։