Աշխարհի 11-րդ ռակետ Դանիիլ Մեդվեդևը նվաճել է Ռոտերդամի ATP-500 կարգի մրցաշարի կիսաեզրափակիչի ուղեգիր:
Քառորդ եզրափակիչում ռուս թենիսիստը 6-2, 6-4 հաշվով ուժեղ է գտնվել կանադացի Ֆելիքս Օժե-Ալյասիմից (8-րդ ռակետ), որը 2022 թվականին հաղթել էր այս մրցաշարում: Մրցախաղը տևել է 1 ժամ 23 րոպե:
Եզրափակիչի ուղեգրի համար Մեդվեդևը կմրցի աշխարհի նախկին երրորդ ռակետ, բուլղարացի Գրիգոր Դիմիտրովի հետ:
