Transfermarkt-ը կազմել է Սաուդյան Արաբիայի առաջնության ամենաթանկարժեք ֆուտբոլիստների խորհրդանշական հավաքականը։ Թիմում տեղ չի գտել «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն, որն ընթացիկ առաջնության լավագույն ռմբարկուն է։ 38-ամյա ֆուտբոլիստի տրանսֆերային արժեքը գնահատվում է 15 միլիոն եվրո։

Խորհրդանշական հավաքականն ունի հետևյալ տեսքը․ Բունու (11 միլիոն եվրո տրանսֆերային արժեք), Իբանյես (25), Դեմիրալ (18), Լապորտ (25), Ֆաբինյո (35), Նևեշ (40), Միլինկովիչ-Սավիչ (35), Մալկոմ (30), Օտավիու (30), Միտրովիչ (28), Նեյմար (45)։