«Ալ Նասրի» պորտուգալացի հարձակվող Կրիշտիանու Ռոնալդուի շնորհիվ 137 հեռուստաալիքներ սկսել են հեռարձակել Սաուդյան Արաբիայի առաջնությունը։ Այդ մասին հայտարարել է Սաուդյան Արաբիայի սպորտի նախարար Աբդուլ-Ազիզ իբն Տուրկին:
«Միայն Ռոնալդուի գալով՝ 137 հեռուստաալիքներ սկսել են ցուցադրել Սաուդյան Արաբիայի առաջնությունը: Հենց սկզբից սա էինք ցանկանում, սակայն շատերն ասում էին, որ մեր լիգան հետաքրքիր չէ:
Ռոնալդուի գալուց հետո մեր հեռարձակումները փնտրում են ամբողջ աշխարհում»,- նախարարի խոսքը մեջբերում է The Athletic-ը։
Հիշեցնենք, որ «Ոսկե գնդակի» 5-ակի դափնեկիրն արաբական ակումբին միացել է 2022-ի դեկտեմբերին և Սաուդյան Արաբիայի առաջնության 8 խաղում դարձել է 9 գոլի ու 2 գոլային փոխանցման հեղինակ:
