Կրիշտիանու Ռոնալդուի «Ալ Նասրը» պարտություն կրեց «Ալ Իթիհադից» և դուրս մնաց Սաուդյան Արաբիայի գավաթի խաղարկությունից:

Սա նշանակում է, որ պորտուգալացին «Ալ Նասրում» զրկվեց հերթական տիտղոսը նվաճելու հնարավորությունից: 2022թ. Սաուդյան Արաբիա տեղափոխվելուց հետո Ռոնալդուն պարտվել է 13 մրցաշարերում՝ չնվաճելով որևէ կարևոր տիտղոս «Ալ Նասրի» հետ: Տիտղոսների առումով միակ հաջողությունը, որ Կրիշտիանուն գրանցել է Սաուդյան Արաբիայում, եղել է Arab Champions Cup-ում, որն ընկերական մրցաշար է:

Ռոնալդուն 2025/26 մրցաշրջանում 7 խաղում խփել է 6 գոլ ու կատարել 1 ասիստ: