Պորտուգալիայի հավաքականի և «Ալ-Նասրի» հարձակվող Կրիշտիանու Ռոնալդուն քննադատել է ֆուտբոլում ամենահեղինակավոր անհատական մրցանակները:
«Ոսկե գնդակը» և «The Best»-ն ինչ-որ առումով կորցնում են հեղինակությունը: Պետք է գնահատեն ամբողջ մրցաշրջանով: Դա չի նշանակում, որ Մեսին արժանի չէր մրցանակին: Նույնը նաև Հոլանդը կամ Մբապեն:
Պարզապես այլևս չեմ հավատում այդ մրցանակներին: Դա կապված չէ Globe Soccer Awards-ում իմ հաղթանակի հետ: Ոչ ոք չի կարող խլել լավագույն ռմբարկուի իմ մրցանակը, որովհետև գոյություն ունեն թվեր, փաստեր և նրանք չեն ստում: Դա ինձ երջանիկ է դարձնում, թվերը հաստատում են փաստը»,- Record-ին տված հարցազրույցում ասել է պորտուգալացին:
Հիշեցնենք, որ «Ալ-Նասրի» 38-ամյա հարձակվողը 54 գոլով դարձել էր 2023 թվականի ամենաարդյունավետ ֆուտբոլիստը:
