«Ոսկե գնդակի» 5-ակի դափնեկիր Կրիշտիանու Ռոնալդուն Պորտուգալիայի հավաքականի հետ Եվրո-2024-ից դուրս մնալուց հետո գրառում է կատարել սոցցանցերում՝ դիմելով երկրպագուներին:
«Մենք ավելին էինք ցանկանում: Արժանի էինք ավելիին՝ մեզ համար, ձեզնից յուրաքանչյուրի համար, Պորտուգալիայի համար:
Մենք երախտապարտ ենք այն ամենի համար, ինչ դուք տվել եք մեզ և այն ամենի համար, ինչի մենք հասել ենք մինչև այժմ։
Խաղադաշտում և դրանից դուրս ես վստահ եմ, որ այս ժառանգությունը հարգվելու է և կշարունակվի կերտվել: Միասին»,- գրել է Սաուդյան Արաբիայի «Ալ Նասրի» 39-ամյա հարձակվողը:
Հիշեցնենք, որ պորտուգալաացիները քառորդ եզրափակիչում հետխաղյա 11-մետրանոցներով 3-5 հաշվով զիջել էին աշխարհի փոխչեմպիոն Ֆրանսիայի հավաքականին: Պորտուգալիայի հավաքականի ավագ Ռոնալդուն առաջին անգամ խոշոր մրցաշարում գոլ չխփվեց: Ռոնալդուն Եվրոների պատմության լավագույն ռմբարկուն է:
