Սաուդյան Արաբիայի փոխչեմպիոն «Ալ Նասրի» պորտուգալացի ռմբարկու Կրիշտիանու Ռոնալդուն մարտական է տրամադրված նոր մրցաշրջանի մեկնարկից առաջ:
«Հույս ունենք նվաճել բոլոր տիտղոսները նոր մրցաշրջանում: Գիտենք, որ դժվար կլինի, բայց ունենք լավ թիմ, նոր մարզիչ, նոր ֆուտբոլիստներ ու անհամբերությամբ ենք սպասում մրցաշրջանի մեկնարկին»,- «Ոսկե գնդակի» 5-ակի դափնեկրի խոսքը մեջբերում է Goal-ը:
Հիշեցնենք, որ Կրիշտիանու Ռոնալդուն «Ալ Նասրի» գույները պաշտպանում է 2022 թվականի դեկտեմբերից:
2022/23 մրցաշրջանում 38-ամյա ֆուտբոլիստը, խաղալով անգլիական «Մանչեսթեր Յունայթեդի» և «Ալ Նասրի» կազմերում, ընդհանուր 35 խաղում խփել էր 17 գոլ ու կատարել 4 գոլային փոխանցում:
