Բրազիլիայի հավաքականի կազմում աշխարհի չեմպիոն, ՖԻՖԱ-ի վարկածով 1996 թվականի լավագույն ֆուտբոլիստ Ռոմարիոն, որն այժմ սենատոր է, հուլիսի 13-ին հոսպիտալացվել է, հաղորդում է Globo-ն:

Կատալոնական «Բարսելոնայի» նախկին ֆուտբոլիստին տեղափոխել են Ռիո դե Ժանեյրոյի «Բարա դոր» հիվանդանոց, ախտորոշվել է աղիքային վարակ:

57-ամյա բրազիլացու վիճակը կայուն է, սակայն դեռ հայտնի չէ, թե նա երբ դուրս կգրվի հիվանդանոցից: 2021 թվականին հեռացվել էր Ռոմարիոյի լեղապարկը:

Հիշեցնենք, որ կարիերայի ընթացքում Ռոմարիոն խաղացել է նաև բրազիլական «Վասկո դա Գամայում», «Ֆլամենգոյում», «Ֆլումինեզեում», իսպանական «Վալենսիայում» և այլ ակումբներում: