«Միլանի» պաշտպան Մալիկ Թիաուն կտեղափոխվի «Նյուքասլ», սոցցանցերում գրում է ինսայդեր Ֆաբրիցիո Ռոմանոն։
Անգլիական ակումբը գերմանացի ֆուտբոլիստի տեղափոխության հարցում ամբողջական համաձայնության է հասել և նրա տրանսֆերի համար «Ռոսոներիին» կվճարի 40 միլիոն եվրո։
24-ամյա ֆուտբոլիստը նոր ակումբի հետ կստորագրի 5 տարվա պայմանագիր։
Թիաուն շուտով կմեկնի Անգլիա և բուժզննում կանցնի «Նյուքասլի» համար։ Նա իտալական գրանդում հանդես է գալիս 2022թ. օգոստոսից, 85 խաղում 1 գոլ է խփել, կատարել 2 ասիստ։
