«Նոթինգհեմ Ֆորեսթի» նոր գլխավոր մարզիչ, ամենայն հավանականությամբ, կնշանակվի Շոն Դայչը, հայտնում է ինսայդեր Ֆաբրիցիո Ռոմանոն։
Անգլիական ակումբն անցնող ժամերին բանակցել է Ռոբերտո Մանչինիի հետ, սակայն կողմերը համաձայնության չեն հասել։
«Անտառապահներն» անմիջապես կապ են հաստատել Դայչի հետ. 54-ամյա մասնագետը տվել է «Ֆորեսթը» գլխավորելու նախնական համաձայնություն։
The Athletic-ի լրագրող Դեյվիդ Օրնշտեյնը սոցցանցերում հայտնել է, որ Դայչն ու «Նոթինգհեմ Ֆորեսթը» կստորագրեն երկարաժամկետ պայմանագիր։
Անգլիացի մասնագետը պաշտոնում կփոխարինի Անգե Պոստեկոգլուին։ Դայչը նախկինում մարզել է «Բարնլին», «Էվերթոնը» և «Ուոթֆորդը»։
Անգլիայի Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
