Բասկ պաշտպան Ինյիգո Մարտինեսն ու կատալոնական «Բարսելոնան» կխզեն պայմանագիրը, հաղորդում է ինսայդեր Ֆաբրիցիո Ռոմանոն:
34-ամյա ֆուտբոլիստը պայմանագիրը խզելուց հետո ազատ գործակալի կարգավիճակում կմիանա Ռիադի «Ալ Նասրին», որի հետ կստորագրի մեկ տարվա պայմանագիր` ևս մեկ մրցաշրջանով ժամկետը երկարաձգելու հնարավորությամբ:
Հիշեցնենք, որ Մարտինեսը 2023 թվականի հուլիսին ազատ գործակալի կարգավիճակում էր տեղափոխվել «Բարսելոնա»:
