«Մանչեսթեր Սիթիի» պաշտպան Վիտոր Ռեյսը 2025/26 մրցաշրջանը վարձավճարով կանցկացնի «Ժիրոնայում», հաղորդում է ինսայդեր Ֆաբրիցիո Ռոմանոն։
Կողմերը երկու օր առաջ են համաձայնեցրել գործարքը։ Բրազիլացի ֆուտբոլիստն օգոստոսի 6-ին կմեկնի Կատալոնիա` Իսպանիայի Լա լիգան ներկայացնող ակումբի համար բուժզննում անցնելու։
19-ամյա Ռեյսը 2025թ. հունվարին է տեղափոխվել «Մանչեսթեր Սիթի», որի կազմում մասնակցել է 4 հանդիպման։
«Ժիրոնայի» բաժնետոմսերի 47 տոկոսը պատկանում է City Football Group-ին։ Ընկերությունը նաև «Մանչեսթեր Սիթիի» սեփականատերն է։
🚨🔴⚪️ Understand Vitor Reis travels to Spain tomorrow for medical tests and contract signing at Girona.
— Fabrizio Romano (@FabrizioRomano) August 5, 2025
Loan deal from Manchester City, verbally agreed as reported two days ago… and also signed now. pic.twitter.com/tjXsGdiwxC


