Ռուս թենիսիստուհի Միրա Անդրեևան (143-րդ ռակետ) առաջին անգամ կխաղա «Մեծ սաղավարտի» մրցաշարի հիմնական փուլում:
16-ամյա Անդրեևան «Մեծ սաղավարտի» տարվա երկրորդ մրցաշար «Ռոլան Գարոսի» որակավորման փուլի եզրափակիչում երկու սեթում 7-6 (10-8), 6-4 հաշվով հաղթեց կոլումբացի Մարիա Օսորիոյին (84-րդ ռակետ): Մրցախաղը տևեց 1 ժամ 59 րոպե:
Ֆրանսիայի բաց առաջնության հիմնական փուլը կմեկնարկի մայիսի 28-ին:
Հիշեցնենք, որ Ռուսաստանը ներկայացնող հայ թենիսիստուհի Էլինա Ավանեսյանը (134-րդ ռակետ) չէր կարողացել նվաճել հիմնական փուլի ուղեգիր: