«Ոսկե գնդակի» դափնեկիր, «Մանչեսթեր Սիթիի» կիսապաշտպան Ռոդրին վերադարձել է անհատական մարզումներին, հաղորդում է BBC-ն:
Իսպանացին փետրվարի 28-ին գնդակով ու առանց գնդակի անհատական մարզում է անցկացրել ակումբի մարզաբազայի խոտածածկին:
On the road to recovery 💪 pic.twitter.com/WovR8p6417
— Manchester City (@ManCity) February 28, 2025
28-ամյա ֆուտբոլիստն ապաքինվում է ծնկի խաչաձև կապանների ծանր վնասվածքից, որը ստացել է 2024 թվականի սեպտեմբերին:
«Ռոդրիի համար կարևորագույնն այն է, որ ապաքինման գործընթացը հաջող անցնի: Կարծես ամեն ինչ կարգին է, բայց հարկավոր է առաջ շարժվել քայլ առ քայլ»,- ասել է «Ման. Սիթիի» գլխավոր մարզիչ Պեպ Գվարդիոլան:
Հիշեցնենք, որ Ռոդրին ընդգրկվել էր «Մանչեսթեր Սիթիի»՝ Չեմպիոնների լիգայի փլեյ-օֆֆի հայտացուցակում, որպեսզի անհրաժեշտության դեպքում կարողանար օգնել թիմին վճռորոշ փուլերում, սակայն Անգլիայի չեմպիոնը 1/8 եզրափակիչի համար ուղեգրի պայքարում պարտվել էր ՉԼ գործող գավաթակիր «Ռեալին»:
