«Մանչեսթեր Սիթիի» իսպանացի կիսապաշտպան Ռոդրին տպավորիչ ցուցանիշ է գրանցել Անգլիայի Պրեմիեր լիգայում, հայտնում է Opta վիճակագրական ռեսուրսը:
Ռոդրիի մասնակցությամբ Պրեմիեր լիգայում կայացած 48 անընդմեջ հանդիպումներում «Մանչեսթեր Սիթին» անպարտելի է (39 հաղթանակ, 9 ոչ-ոքի):
Պրեմիեր լիգայի պատմության մեջ միայն Սոլ Քեմփբելն է ունեցել անպարտելի խաղերի ավելի երկար շարք (56 հանդիպում «Արսենալի» կազմում, 2002 թվականի նոյեմբերից մինչև 2004 թվականի հոկտեմբեր):
Հիշեցնենք, որ Խոսեպ Գվարդիոլայի գլխավորած թիմը Պրեմիեր լիգայի 37-րդ տուրում հյուրընկալվելիս 4-0 հաշվով հաղթել էր «Ֆուլհեմին»:
«Մանչեսթեր Սիթին» 85 միավորով բարձրացել է առաջին տեղ, երկու միավորով է գերազանցում երկրորդ տեղ նահանջած Լոնդոնի «Արսենալին», որն այս տուրում կմրցի «Մանչեսթեր Յունայթեդի» հետ:
