«Մանչեսթեր Սիթիի» կիսապաշտպան Ռոդրին «Ոսկե գնդակը» ստանալուց հետո իր հաղթանակը նվիրել է իսպանական ֆուտբոլին:
«Այս հաղթանակը ոչ թե ինձ համար է, այլ իսպանական ֆուտբոլի: Այնքան շատ խաղացողներ են արժանի եղել մրցանակին, բայց չեն ստացել. Ինյեստան, Չավին, Կասիլյասը, Բուսկետսը և շատ ուրիշներ:
Սա իսպանական ֆուտբոլի և կիսապաշտպանների հաղթանակն է: Իմ շատ ընկերներ գրեցին ինձ, որ այսօր հաղթեց ֆուտբոլը, որովհետև գնահատեցին կիսապաշտպաններին: Այդ դիրքի ֆուտբոլիստներն աննկատ են, բայց շատ աշխատանք են կատարում: Այսօր նրանք գնահատվեցին»,- իսպանացու խոսքն է մեջբերում Marca-ն:
