Կատալոնական «Բարսելոնան» հաջորդ ամառ կարող է թիմ հրավիրել անգլիական «Վուլվերհեմփթոնի» կիսապաշտպան Ռուբեն Նևեշին, հաղորդում է Sport.es-ը:
«Կապտանռնագույններն» այս ամառ ցանկացել են ձեռք բերել պորտուգալացուն ու բանակցություններ են վարել նրա գործակալի հետ, սակայն կոնկրետ քայլեր այդպես էլ չեն ձեռնարկել՝ սուղ ֆինանսական միջոցների պատճառով:
Նևեշը հույս ունի, որ «Բարսելոնան» կրկին կդիտարկի իր թեկնածությունը, քանի որ կատալոնացիները ստիպված են Սերխիո Բուսկետսին փոխարինող փնտրել: Սպասվում է, որ ընթացիկ մրցաշրջանի ավարտից հետո իսպանացի կիսապաշտպանը կհեռանա:
2022/23 մրցաշրջանում Ռուբեն Նևեշը մասնակցել է 8 խաղի, խփել 1 գոլ:
