Ռուսաստանի Դաշնության սպորտի նախարար Օլեգ Մատցինը խոսել է մարզիկների մոբիլիզացիայի մասին:
«Մարզիկները մաքսիմալ մոբիլիզացված են։ Սպորտը չի կարելի առանձնացնել որպես զտված համայնք, որը կարող է օգտվել արտոնություններից։ Մեր մարզիկները հայրենասերներ են, որոնք սատարել են նախագահին։
Սպորտը մեկ ընտանիք է, և բոլոր խնդիրները, որ պետությունը լուծում է, սպորտը միասին լուծելու է։ Արտոնության մասին խոսք լինել չի կարող։
Կլինեն որոշակի պաշտպանական միջոցներ: Միգուցե որոշակի հետաձգումներ լինեն։ Համակարգը կշարունակի ակտիվ զարգանալ՝ չնայած ստեղծված իրավիճակին»,- նախարարի խոսքը մեջբերում է «Матч ТВ»-ն:
Հիշեցնենք, որ սեպտեմբերի 21-ին ՌԴ նախագահ Վլադիմիր Պուտինը մասնակի զորահավաք էր հայտարարել:
