Անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն հունվարին կարող է փոխել ակումբային գրանցումը, հայտնում է The Telegraph-ը:
«Մանչեսթեր Յունայթեդի» հոլանդացի գլխավոր մարզիչ Էրիկ տեն Հագը չի խոչընդոտի «Ոսկե գնդակի» հնգակի դափնեկրի հեռանալուն, եթե ակումբը ստանա համապատասխան առաջարկ:
Ռոնալդուն հույս ունի, որ մինչև Կատարում կայանալիք ֆուտբոլի աշխարհի առաջնությունն ավելի շատ խաղաժամանակ կստանա ու մրցաշարին կմոտենա լավ մարզավիճակում:
37-ամյա ֆուտբոլիստն ընթացիկ մրցաշրջանում «Մանչեսթեր Յունայթեդի» կազմում անցկացրել է 8 խաղ ու խփել 1 գոլ:
